Dude??

"Papaano pag may kapatid ka sa labas??"

Yan ang madalas na itinatanong sa akin dati pag nalalaman nila na anak ako ng pulis. At wala ding kagatol gatol ang sagot ko na "eh di papasukin ko sa loob"

Madaling sabihin pero kung iisipin mo hindi pala ganon kadali yun nong time na yun. Namatay ang pudra namin nong virgin 18 years old pa lang ako. Noong bagong libing pa lang sya lagi naming naabutan na may gatas at biscuit sa harap ng nitso nya. Bakit gatas?? Hindi siguro alam nong naglalagay na kape ang iniinum ni pudra! Sa tagpong yun lagi ng nagkakabiruan na dinala yun nong anak ni tatay sa labas.

Ilang buwan after nyang mamatay pinaglaruan ako nila mudra. May kapatid daw ako sa labas at nakita na daw nila. Ang natatandaan kong reaksyon ko nong time na yun eh galit ako at nag iiyak,syempre una kasi virgin immature pa akong mag isip non kasi bubot pa nga. Yung iyak at drama na tipong pwedeng manalo sa "Best Actress" award sa mga dula sa radyo. Binawi din nila nong medyo isang tabo na yata ang naiiyak ko. Basta ang alam ko galit ako..feeling ko niloko nya kami..may drama pa akong matatanggap ko sya kung mas matanda sya sa akin na ang ibig sabihin eh hindi pa sila kasal ni mudra nong nangyari ang gahasaan nila ng nanay nong anak nya na yun.

Kahapon habang kausap ko si mudra eh naisingit nya yan.May nakapagsabi daw sa kanya na kilala nila at nakikita yung anak ni pudra sa labas. Lalaki daw at teacher na daw ngayon. Sya mismo ang may sabi na hindi pa nya sure kung gaano katotoo yung kwento. Alam ko na seryus kasi hindi naman nakikipag usap ng mahaba sa YM yun at tamad mag type...ang gusto nya eh Skype..maarte!

Nakakatuwa kasi parang wala lang sa akin. Naisip ko tuloy..Uy hinog na nga si neneng! Pero hindi don syempre nagtatapos yun..syempre interesado akong malaman ang lahat kaya ipinapakuha ko kay mudra don sa nagtsismis sa kanya yung number nong "kapatid" daw namin.

Hindi pa din ako masyadong naniniwala sa ngayon. Mahirap at nakakaaning ang mag isip ng walang basehan. Kailangan ko munang makausap yung "kapatid" namin para malaman ko ang buong kwento. Naman sino ba ang maniniwala agad non...14 years ng kasama ni Fafa Jetut si pudra..sabi nga ni nanay "eh bakit hindi tayo hinahanap kung totoo?" Hindi kasi naisip ni nanay na bakit kami hahanapin eh hindi naman sya yung nanay non..tatay namin ang tatay nya..eh patay na yung tatay nya...bakit pa sya magpapakilala db? Kahit ako siguro ang nasa situation nya yun din ang gagawin ko.

Alam ko at naiintindihan ko ang situation at nararamdaman ni mudra ngayon. Masakit isipin na ang asawa mong pinakamamahal at ang alam mong naging faithful sayo hanggang sa mamatay eh may anak sa labas at sa ibang tao mo pa malalaman after 14 years.



Para sa iyo,

Hindi naman kita aawayin kasi walang basehan at alam kong wala kang kasalanan. Kahit mas bata ka pa sa akin tatanggapin kita kasi hindi mo naman choice na maging bunga ng isang taglibog na puno bawal na relasyon. Kung sakaling totoo ka man at hindi gawa gawa lang ng mga makakating dila ay pagpasensyahan mo na pag nagkita tyo kasi hindi ko din alam ang ikikilos ko. Hindi naman kasi ako tinuruan kung papaano humarap sa kapatid sa labas eh. Pero hindi naman kita aawayin kasi nga alam ko na ang mga bagay bagay. Bukas na ang isip ko sa reyalidad ng buhay. Kung siguro nong 18 years old pa ako ikaw dumating sa buhay namin baka sakaling sumama pa ako sa mga sundalo punta sa Iraq para lang mag training kong papaano magiging impyerno ang buhay mo. Pero dude dalagang ina na ako ngayon at umiibig na din kaya matatanggap kita ng buong buo kahit pa na bakla ka din tulad ng mga kapatid ko.

Pagpasensyahan mo na din si nanay pag sinupladahan ka at inirap irapan ka ha ganon lang talaga yun pero malambot pa sa bayag ang puso non. Pwamis!

Sandali bago ko maitodo ang emote ko dito eh kailangan ko munang malaman ang number ng "kafatid" namin na yun. Ayaw kong gumaya kay Lyzius at Cha na ang dami na agad plano.