date w/ bob ong

Pagkatapos ng dalawang linggong walang pahinga ko sa pag tratrabaho eh nirewardan ko ang sarili ko ng isang date. Minsan ko lang syang makadate at kailangan ko ng ipakamot ang mga kati ko sa katawan nitong mga huling araw. Ako ang tao na pag pagod eh maraming naiisip na position mga bagay bagay na makakapag pasaya sa aking katawang lupa.

Unang stop..kumain sa Thai resto at binusog ang mga bulate ng beef chop suey at kanin. Syempre sagot ng date ko yan. Usapan na namin na hindi sya magrereklamo sa lahat ng ipapabili ko at magustuhan ko ngayong weekend na ito.

Padalawang stop..sa Saturn para maghanap ng bag para sa aking pinakaiingatang dildo camera. Kumuha na din ako ng pouch para sa mga MC ko.

Patatlong stop..sa Body Shop para bumili ng mga kung ano anong walang kwenta mapapag kagastusan gamit sa aking katawang lupa. Isang bagay lang sana ang bibilhin ko don pero pagdampot ko eh nagsisamahan ang marami pang ibang kung ano anong kaartehan. Pwamis sumabit lang sila hindi ko talaga sila kinuha.

Pang apat na stop...Nike para tingnan yung gusto kong sapatos kung nandon pa. Sa awa naman ni batman eh nandon pa at hindi pa bumababa ang presyo. Nagpasalamat ako kasi hindi ganon kaloaded ang kadate ko para mabili ko yun kahapon. Pilit kong sinasabi sa isip ko na hindi ko pa kailangan yun.

Pagkatapos ng ilang oras na pag iikot ikot at pagpapaalipin ng kadate ko sa mga luho ko nong araw na yun eh naglakad lakad ako sa walking street. As usual daming iba't ibang uri ng tao lalo na at sabado. Dami ding mga iba't ibang performer. May mga dinedeadma lang ng mga tao at meron din namang pinagkakaguluhan. Tulad na lang nitong tinambayan ko ng isang oras.


Aliw na aliw ako sa kanila kasi talaga namang ang galing nila. Kulang na nga lang eh sabitan ko sila ng pinag dugsong dugsong na balat ng kendi na may nakasulat na "best in music". Lalo na at ang karamihan sa mga kanta nila eh mga kanta ng ABBA.

Wala na ako sa mood maghapunan kaya umuwi na lang ako nang maaga. At pagdating sa bahay eh sinubukan ko ang isa sa mga nabili ko sa BS. Nagbabad ako ng 30 mins sa tubig na may pinaghalo halong wasabi,algae at putik galing sa dead sea. Malay ko ba kung totoo yun..kahit na ilagay pa nilang may tae ng daga yung nabili ko na yun wala akong pakialam. Putsa pag ahon ko nakalimutan kong tadtad ako ng peklat at mga kamot na para lang mga uod na nakadikit sa katawan sa lembot ng balat ko.

Kahit na medyo nanghihina na ang kadate ko eh hindi sya pwedeng sumuko kasi may usapan kaming alipin ko sya buong weekend kaya may hanggang bukas pa!

Sarap kadate ng wallet talaga. Yung paminsan minsan eh parang uutuin mo ang sarili mo sa pagbili ng gusto para magkaroon ulit ng lakas para mag trabaho.

Kinabukasan.......

1pm na ako nakadating sa city kaya deretso na ako sa Intsik Resto na may dimsum para kumain ng lunch. As usual wallet ko lang ulit ang kadate ko. Binusog ko ulit ang mga bulate ko sa tyan ng spare ribs in bean curd sause,steamed beef balls (pinasingawang bayag ng baka) at chicken soup.

Naglakad lakad ako at nagkape sa starbaks. Sa kapehan eh don ko naka date si Bob Ong. Oo engot na kung engot pero ngayon ko lang nababasa ang mga sinulat nya. Papasko ni Kyin sa akin. Kasama ko sya habang nakahilata ako sa isa sa mga couch sa loob. Sa loob ng starbaks ko natapos ang ABNKKBSNPLAKo?! Don ko natuklasan na pareho ang pinag daanan namin ni Bob...(ay sya kompatibol na kayo)

After ng kape eh sumimba na ako.................

Pakatapos ng mass eh dumaan pa ulit ako sa tindahan ng kung ano ano at nakadampot ng tamod ng manok lotion at eyeliner..Hindi ako gumagamit nong lapis na yun pero ewan ko kanina parang trip kong gumamit non.

Natapos ang weekend na wallet ang kadate....Sarap!! Hindi ko na alam kung kailan ulit ang ulit nito! Bihira naman akong sumagad ng gastos kasi tuwing gagastos ako eh naiisip ko ang maraming tao ang naghihirap. Ako kasi ang klase ng tao na pag sobrang pagod lang saka inuuto ang sarili sa pag bili ng mga gusto para magkaroon ulit ng lakas para mag trabaho. Pag ganyan na ang kundisyon ko hindi ko na naiisip ang mga naghihirap. Taym pers muna! Wala naman sigurong masama as long na hindi ko nakakalimutan ang mga responsibilidad ko.(inuuto ang sarili para di makonsensya)